Rusia përjashtohet nga Lojrat Olimpike, Putin: Vendimi, i padrejtë
Presidenti rus Vladimir Putin, e ka cilësuar si të padrejtë vendimin për përjashtimin e atletëve rusë nga gara ndërkombëtare e Lojrave Olimpike që do të zhvillohen këtë vit në Rio de Janiero.
Vendimi për ndalimin e konkurrentëve rusë u dha sot, nga Shoqata Ndërkombëtare e Federatës së Atletikës (IAAF) . Ky vendim u mor për shkak të një kulture të dyshuar sistematike dopingu, të sponsorizuar nga shteti.
Kjo do të thotë, që atletët rusë do të mund ta shohin kompeticionin jo si konkurrentë, por si spektatorë.
Presidenti rus nuk e ka pritur aspak mirë këtë vendim. Ai i bëri thirrje Komitetit Olimpik Ndërkombëtar (IOC), për të rishikuar vendimin dhe për të gjetur një zgjidhje në mënyrë që sportistët rusë të marrin pjesë në këtë garë, pasi sipas tij pezullimi për shkak të dopingut është i padrejtë./tvklan.al