Russell Crowe në rolin e manjatit të mediave
Russell Crowe do të luajë rolin e manjatit të mediave Roger Ailes, themeluesi i kanalit “Fox News” në një serial të prodhuar nga Showtime.
Fitues i çmimit Oscar, si aktori më i mirë protagonist në 2001 për filmin “Gladiatori” dhe fitues i një Golden Globe për filmin “A Beautiful Mind”, do të jetë për herë të parë protagonist i një seriali.
Do të jenë gjithsej 8 episode të bazuara në librin e Gabriel Sherman “The Loudest Voice In The Room” botuar në 2014, i cili tregon ngritjen dhe rënien e manjatit të mediave që revolucionoi panoramën e lajmeve politike amerikane.
Ailes ka qenë CEO i Fox për 20 vjet, përpara se të jepte dorëheqjen pas akuzave për ngacmime seksuale në vitin 2016. U nda nga jeta në moshën 77-vjeçare në Maj të 2017, për shkak të komplikimeve pas një rënie.
Tv Klan