Sa shpesh duhet t’i pastroni sendet shtëpiake
Duhen shikuar me kujdes çdo send në shtëpi që t’i pastrojmë rregullisht.
Nuk bëhet fjala vetëm për mobilie, por për çdo send tjetër në shtëpi, duke filluar nga jastëkët, perdja e dushit apo edhe te pajisjet shtëpiake.
Më poshtë do t’iu paraqesim një ide se sa shpesh duhet t’i pastroni disa nga sendet e shtëpisë, në mënyrë që të jetoni më shëndetshëm.
Jastëkët – lajini ato në lavatriçe çdo 3 ose 6 muaj dhe hidhini pas dy vjetësh. Është shumë e rëndësishme pasi çdo natë, ne lëshojmë afërsisht 200 ml djersë në krevat.
Dysheku – duhet pastruar çdo muaj dhe duhet zëvendësuar të paktën çdo 10 vjet.
Perdja e dushit – duhet larë një herë në muaj.
Mbajtësja e furçave të dhëmbëve – ndoshta nuk të shkon në mendje fare, por duhet të pastrohet të paktën njëherë në javë. Mbajtësja e furçave është një nga sendet më të ndotura me mikrobe. Gjithashtu duhet të siguroheni që të lani furçat e dhëmbëve çdo 3 muaj. Furçat përmbajnë 10 milionë mikrobe.
Lavamani i kuzhinës – duhet pastruar mirë çdo 2 javë. Sfungjerët duhen pastruar pas çdo shpëlarje.
Furra – duhet pastruar çdo javë vetëm te dera, ndërsa çdo muaj është mirë që të pastrohet krejtësisht, duke hequr të gjithë të djegurat.
Lavatriçja – është një nga sendet shtëpiake që harrohet për t’u pastruar. Ato duhen pastruar çdo muaj. Nëse lani edhe veshje për kafshët, duhet ta pastroni menjëherë pas larjes
Frigoriferi – duhet pastruar dy herë në vit. Për të ndihmuar në heqjen e aromave, brenda frigoriferit vendosni një gotë me bikarbonat sode.
/tvklan.al