• Shpërndaje

Arkiva Lajme – Tv Klan 1999

Mbi 33 mijë refugjatët kosovarë të tërhequr nga policia serbe në kufirin kosovaro-maqedonas, mund të përdoren nga Millosheviçi si mburojë njerëzore përball sulmeve të Natos dhe kërcënime për ndërhyrje tokësore në Kosovë. Ky ka qenë alarmi i dhënë nga komisionerja e lartë për refugjatët e OKB-së Sadako Ogata.

Presidenti Mejdani dhe kryeministri Majko i kanë dhënë garanci komisioneres Ogata se shqipëria do të pres të gjithë refugjatët kosovarë që do të vijnë në territorin shqiptar. Jemi të vendosur që ta kalojmë këtë provë të mbijetesës së shqiptarëve tha kryeministri Majko duke këmbëngulur në dhënien e ndihmave nga komuniteti ndërkombëtar.

Komisionerja për refugjatët Ogata deklaroi para gazetarëve se maqedonia nuk ka lejuar organizatat ndërkombëtare të kontaktojnë me refugjatët, ndaj ndaj saj po kryen hetime nga bashkësia ndërkombëtare. I kemi kërkuar qeverisë shqiptare transparencë të plotë në shpërndarjen e ndihmave tha Ogato.

Brenda javës do të filloj shpërndarja e ndihmave për familjet që kanë strehuar refugjatët kosovarë.

Pas takimeve me krerët e shtetit shqiptar komisionerja e lartë për refugjatët e OKB-së Sadako Ogata, ka vizituar kampingjet e refugjatëve në Kukës. Ogata ka deklaruar se do të shkoj menjëherë në Shkup për të verifikuar humbjen e 20 mijë refugjatëve kosovarë pas dhunës së ushtruar nga policia maqedonase. Pas hetimeve ndërkombëtare do të ndëshkohen fajtorët është shprehur Ogata në Kukës./tvklan.al

Gazetar – Vladimir Lame