Sadiku tregon për “sherrin” e penalltisë
Sulmuesi i Kombëtares së Shqipërisë, Armando Sadiku dhe futbollisti tjetër i Zyrihut, Rodriguez, patën një përballje thuajse kokë-më-kokë mes tyre në ndeshjen kundër Villareal, për shkak se të dy kërkonin të godisnin 11-metërshin që siguroi barazimin.
Pak ditë pas ndeshjes Sadiku ka treguar se insistimi i tij erdhi pasi ka qenë gjithnjë ai që ka goditur penalltitë ndërsa Rodriguez, i kish ekzekutuar në kohën kur Sadiku ishte i dëmtuar.
Vetë Rodriguez është justifikuar duke thënë se meqë ai kishte topin në dorë kishte përfituar të kryente goditjen.
Për këtë çështje ka folur edhe trajneri i skuadrës i cili ka vlerësuar dëshirën e dy futbollistëve për të marrë përgjegjësi.
Ndeshja e vlefshme për Europa League përfundoi në barazim 1-1.
Tv Klan