“Sadna” infektohet me Covid-19, gjendja e saj shëndetësore…
Aktorja indiane Sara Khan e cila njihet nga publiku shqiptar me rolin e “Sadnës” në serialin indian të transmetuar në Tv Klan, është infektuar me koronavirus.
Aktorja e ka dhënë vete këtë lajm përmes një postimi në rrjetet sociale, ku shkruan se ditën e sotme është infektuar me koronavirus. Gjendja e saj është mirë dhe ndodhet e karantinuar në shtëpinë e saj.
“Fatkeqësisht sot jam testuar pozitive me koronavirus. Autoritetet dhe doktorët më udhëzuan të karantinohem në shtëpi. Ndihem mirë dhe shpresoj të shërohem sa më shpejt”, ka shkruar “Sadna”. /tvklan.al
