Sali Berisha miting në Elbasan – (9 Shtator 2000)
Lajme Arkiva – TV Klan 2000
Sali Berisha, Kryetar i PD:- “Ju ftoj ju, ftoj të gjithë qytetarët e Elbasanit dhe të mbarë Shqipërisë, të mos harrojnë se më 1 Tetor, kutitë e votimit janë para së gjithash kutitë e fatit të njeriut, të familjes, të shoqërisë, të Shqipërisë”.
Kështu iu është drejtuar kryetari demokrat banorëve të Elbasanit, të cilëve iu ka treguar ato çka ofron Partia Demokratike po të marrë pushtetin. Rroga dhe pensione të larta, ulje të papunësisë, luftë kundër kontrabandës dhe korrupsionit, kanë qenë këto premtimet kryesore të Berishës, por ai nuk ka harruar as premtimet e rruspës. Dua t’i kthej përgjigje Nanos tha ai, po nga Elbasani.
Sali Berisha, Kryetar i PD:- “Por nga kjo platformë duhet t’i them zotërisë, që çirrej dhe që thoshte mos na prek këtë dhe atë, se në rrënjë do t’ia kthej kusarisë së tyre, se rruspa e ligje më të forta do përdoren kundër tyre. Unë dua votën e shqiptarëve për të gërryer rrënjët e kusarisë së qeveritarëve. Unë kërkoj votën e shqiptarëve për t’iu treguar vendin atyre që vjedhin”./tvklan.al
Gazetare – Ornela Bego