Sali Berisha në Elbasan – (20 Maj 1999)
Arkiva Lajme – Tv Klan 1999
Kryetari i Partisë Demokratike Shqiptare Sali Berisha ka qenë sot në Elbasan. Në fillim Berisha ka vizituar dy kampet kryesore të qytetit. Ai është takuar me kosovarët në kampin e Labinotit dhe në atë të Mjekësit.
Berisha ka shprehur gadishmërinë e tij dhe atë të Partisë Demokratike të ndihmojë kosovarët e strehuar në këto kampe.Gjithashtu Berisha ka falenderuar dhe ushtarët e Natos që kanë bërë shumë për refugjatët kosovarë.
Pas vizitave në kampet e refugjatëve Berisha dhe drejtuesit e tjerë të PD janë takuar në një aktiv të zgjeruar me demokratët elbasanas. Berisha-Rugova, Shqipëri-Kosova ishte dhe parrulla e këtij aktivi ku demokratët e Elbasanit bashkë me Berishën shprehën mbështetjen e plotë për popullin kosovarë, për Rugovën dhe dënuan qarqe të caktuara që sipas tyre s’janë gjë tjetër veçse aleatë të Millosheviçit./tvklan.al
Gazetar – Eduart Frangaj