Sali Berisha vlerësim për Besnik Mustafajin – (13 Korrik 2000)
Lajme Arkiva – Tv Klan 2000
Kryetari i Partisë Demokratike Sali Berisha, ka mohuar sot të gjitha zërat e dala nga selia blu, për ftohjen e tij me sekretarin e marrëdhënieve me jashtë Besnik Mustafaji. Berisha sot duke dalë nga parlamenti, ka deklaruar se përkundrazi është shumë i kënaqur nga vartësi i tij Mustafaji.
“Asgjë nuk ka ndodhur mes nesh, ai është duke udhëtuar në botë me mjaft shkrimtar të tjerë”, tha Berisha.
Sali Berisha, Kryetar i PD:- “Marrëdhëniet e mia me zotin Mustafaji, janë të shkëlqyera. Niveli i bashkëpunimit ndërkombëtar i PD, që kur zoti Mustafaji ka marrë përsipër, sektorin e marrëdhënieve ndërkombëtare është më intensive dhe më i madh se kurrë. Ajo që unë mund të them është se zoti Mustafaji është një ambasador i shkëlqyer i PD, por dhe i vendit të tij dhe i letrave. Ai është në udhëtim me shkrimtarët më të shquar të Europës, së bashku me zotin Kongoli, Unë kam vetëm vlerësim për të”./tvklan.al
Gazetare – Ornela Bego