Sali Luzha dhe akuzat ndaj Berishës – (15 Dhjetor 1999)
Arkiva Lajme – Tv Klan 1999
PD ka akuzuar sot Prokurorin e Përgjithshëm dhe Shefin e Shërbimit Informativ për tentativë për eliminimin fizik të ish-badigardit të Berishës, Sali Luzha. Luzha konsiderohet nga PD si një nga dëshmitarët kryesore në vrasjen e Hajdarit dhe aktualisht ndodhet i izoluar në burgun 313 në Tiranë nën akuzën e pjesmarrjes në ngjarjen e 14 Shtatorit.
Sali Luzha është njoftuar sot se do të lëviste nga selitë e burgut 313 në drejtim të pa ditur. Sipas Partisë Demokratike të gjitha rethanat që lidhen me këtë veprim, të bëjnë të mendosh që është përgatitur eleminimi fizik i Luzhës.
PD paralajmeron se nësë i ndodh gjë Sali Luzhës ata që janë implikuar në akt do të mbajnë përgjegjësi të plotë, për të gjitha pasojat që rrjedhin nga këto akte kriminale. Burime nga drejtoria e burgjeve kanë deklaruar sot se transferimi i Luzhës mund të bëhej për arsye sigurie.
Ndërkohë në një nga të përditshmet shiptare publikohen dëshmi dhe fakte nga vëllezrit e ish-badigarit të Berishës, Izet Haxhia. Ismet dhe Isamedin Haxhia duke mos pranuar akuzat e Berishës se janë të implikuar në vrasjen e Azem Hajdarit në deklaratat e tyre të botuara në “Koha Jonë” kanë nxjerrë dhe fakte të reja.
Sipas tyre Berisha në Mars ‘97 ka urdhëruar Isamedinin që me ushtarët e repartit që kryesonte të shtypte revoltat në Vlorë. Gjithashtu sipas vëllezërve Haxhia, Berisha ka dashur t’i fusë në gjak edhe me Nikoll Lesin duke u thënë se ka dorë në vrasjen e vëllait të tyre. Për natën e 12 Shtatorit Ismet Haxhia thotë se kanë qenë në katin e dytë të godinës kur ka parë Azemin me Sali Luzhën të dilnin me të shpejtë.
Azemi, deklaron Ismeti, në kohën që po dilte më tha se ka disa njerëz që duan të hedhin në erë ndërtesën e PD. Në vendngjarje thotë Ismeti kanë shkuar vetëm pas krismave dhe pasi Azemi ishte vrarë. Vëllezrit Haxhia kanë deklaruar se për të gjitha akuzat e Berishës do ti drejtohen prokurorisë./tvklan.al
Gazetare – Ornela Bego