Salihi rikthehet me gol në Austri
Hamdi Salihi është rikthyer pas dëmtimit në fushën e lojës duke qenë vendimtar në fitoren 3 – 0 të Neustadt në sfidën me Floridsdorfer.
Sulmuesi shqiptar luajti pas 3 muajsh mungesë në ligën e dytë austriake. Salihi fillimisht dha një pasim për gol dhe më pas realizoi duke mbajtur ekipin e tij në vendin e tretë në klasifikim me një ndeshje më pak për të zhvilluar.
Shpresat që Neustadt të ngjitet në Bundesliga në Austri është e madhe edhe me Hamdi Salihin, i cili edhe pse 34-vjeçar është në formë të shkëlqyer. Specialisti i golit është në kuotën 16 këtë sezon dhe udhëheq këtë renditje.
Tv Klan