Sarandë/Kapet skafi me 3 turq në bord, dyshohet se do transportonte drogë
Policia Kufitare në Saranda ka bërë të mundur kapjen e një super skafi 12 metra të gjatë, në bordin e të cilit ndodheshin tre turq dhe që dyshohet se do të përdorej për të transportuar drogë.
Në ndjekje të tij u vunë dy mjete të shpejta të policisë dhe ai u arrit të bllokohej afër zonës së Kakomesë.
Burime zyrtare bëjnë të ditur se vijojnë kontrollet nga toka, pasi skafi dyshohet se ka ardhur për të transportuar lëndë narkotike nga Shqipëria në drejtim të Greqisë.
Ky është rasti i dytë brenda muajit Tetor që Policia Kufitare bllokon mjete dhe shtetas të huaj të cilët vijnë për trafikim të lëndëve narkotike.
Sipas policisë, skafi i ndaluar ditën e sotme ka tentuar disa herë të ngarkojë lëndë narkotike gjatë këtij muaji, por për shkak të masave të marra e ka patur të pamundur.
Tre turqit e ndaluar do të procedohen për kalim të paligjshëm të kufirit shtetëror, ndërsa mjeti i tyre lundrues është sekuestruar./tvklan.al