Disfata e Juventus në Serie A
Ronaldo: Paraqitje e dobët, por deri në fund do t’ia dalim
Juventus u dorëzua në shtëpi të martën përballë Fiorentina, duke pësuar humbjen e parë sezonale në Serie A. Skuadra e Prandelli mundi atë të Pirlo me rezultatin 3-0.
Një disfatë që vjen pas vendimit për të luajtur ndeshjen e 4 tetorit me Napoli që i heq dhe 3 pikë bardhezinjve nga renditja. 6 pikë në një ditë që kanë sjellë edhe reagimin e Cristiano Ronaldo.
“Ishte një paraqitje e dobët dhe një rezultat aspak i pranueshëm”, shkruan portugezi në Instagram.
Gjithsesi Ronaldo mendon se gjërat do të ndryshojnë.
“Uroj që ky pushimi i shkurtër të na ndihmojë të kthehem më të fortë dhe më të bashkuar se kurrë, pasi deri në mbylljen e sezonit ka ende kohë dhe në fund besojmë se mund të fitojmë sërish me tifozët tanë”, deklaron Cristiano Ronaldo.
Juventus pësoi gol pas 3 minutave lojë me Fiorentina, ndërsa ndëshkimi i Cuadrado me karton të kuq në të 17’ ia bëri më të lehtë miqve nga Firence. Sot do të luhen takimet e tjera të javës së 14 të Serie A. Milan kryesues do të përballet me Lazio në orën 20:45 në San Siro.
Tv Klan