Shefi i CIA-s: Sulmi në Stamboll mban vulën e ISIS
“Sulmet vetëvrasëse në aeroportin Ataturk, të Stambollit, mbajnë “vulën” e Shteti Islamik”. Deklarata është bërë nga drejtori i CIA-s, John Brennan.
Asnjë grup nuk e ka marrë ende përgjegjësinë për sulmin, i cili ka vrarë 42 persona dhe ka plagosur mbi 239 të tjerë.
“Shpërthimet e neveritshme në Aeroportin Ndërkombëtar të Stambollit, të cilat kanë vrarë dhjetëra njerëz dhe kanë plagosur shumë të tjerë, mbajnë sigurisht vulën e degjenerimit të Shtetit Islamik”, tha Brennan.
Tre sulmues vetëvrasës kanë hedhur veten në erë në aeroportin Ataturk të martën mbrëma. Edhe autoritetet turke kanë fajësuar militantët e Shtetit Islamik.
/tvklan.al