Sherr mes femrash, plagoset rëndë një prej tyre
Një shofere ka goditur me thikë dy këmbësore, duke plagosur rëndë njërën prej tyre.
Ngjarja ndodhi në Francë, ndërsa raportohet se mes tyre pati një grindje e cila degradoi deri në plagosje. Sipas burimeve të AFP gruaja e cila ndodhej në makinë debatoi me dy të tjerat, e më pas doli nga automjeti dhe i goditi me thikë.
Menjëherë pas ngjarjes ajo është larguar me mjetin nga vendngjarja, por vetëm pak orë më pas ka rënë në pranga nga policia.
Sakaq mësohet se dy gratë e lënduara janë shtruar në spital, ndërsa ende nuk dihen shkaqet e kësaj ngjarje dhe arsyeja që çoi në sherrin e ashpër. /tvklan.al