Sherr për mbajtjen e maskës në parlamentin çek
Iu pre fjala pasi refuzoi maskën, deputeti përplaset me kryeparlamentarin
Mosmarrëveshjet për mbajtjen e maskës anti-Covid në sallë shkaktuan përplasje fizike mes deputetëve në Çeki.
Deputeti i pavarur Lubomir Volni, mbështetës i radikalëve të djathtë u përplas fizikisht me drejtuesin e seancës, ku diskutohej zgjatja e gjendjes së emergjencës.
Deputeti i rrëmbeu atij mikrofonin në foltoren e kreut të parlamentit, pasi drejtuesi i seancës i preu fjalën duke i kërkuar të mbante maskën.
Të tjerë deputetë ndërhynë për ta ndalur Volnin, ndërsa situata mori fund pasi kryeparlamentari vendosi ndërprerjen e seancës.
Tv Klan