Shi, dëborë e temperatura nën zero. Situata e motit në të gjithë vendin
I gjithë territori i vendit është përfshirë nga reshje shiu dhe dëbore. Në Kukës situata është më problematike ndërkohë që temperatura ka zbritur disa gradë nën zero. Reshjet u shoqëruan edhe me rrëshqitje të gurëve në rrugët nacionale, por pa shkaktuar probleme në qarkullimin e automjeteve.
Në Berat janë shtuar në mënyrë të menjëhershme prurjet në lumin Osum. Në shumë pjesë të tij, lumi rrezikon të dalë nga shtrati nëse reshjet vazhdojnë me këtë intensitet. Një skrep që ishte aty duke pastruar shtratin e lumit është fundosur, fatmirësisht drejtuesi nuk pësoi gjë.
Këtë mëngjes, moti i keq shkaktoi vonesa në lëvizjet e trageteve në Portin e Durrësit dhe në atë të Vlorës. Deti regjistron forcën 7-8 ballë. Edhe në orët në vijim pritet që të ketë reshje shiu në të gjithë territorin e vendit. Në veri dhe verilindje nuk do të mungojnë as reshjet e borës në lartësinë 600 m mbi nivelin e detit.
Klan Plus