Shiu paralizon qarkullimin e automjeteve në Tiranë
Qytetaret priten për disa ore në trafik në të gjitha rrugët e kryeqytetit
Mëngjesin e kësaj të enjte Tirana u përfshi nga kaosi për shkak të trafikut të rënduar. Siç shihet nga pamjet qytetarët kanë pritur me orë të tëra në trafik për të mbërritur në destinacionet përkatëse.
Reshjet e dendura të shiut sollën problemet e mëdha me qarkullimin madje edhe për transportin publik.
Ndërsa më kaotike e bënë situatën edhe boritë e automjeteve, ku pavarësisht ndërhyrjes së policisë rrugore ishte i pamundur qarkullimi i automjeteve.
Situata të tilla problematike në kryeqytet përsëriten vazhdimisht kur ka reshje shiu.
Klan News