Shkatërrohet organizata që merrej me trafikun e drogës, dy shqiptarë në pranga
Policia greke ka shkatërruar një ditë më parë një organizatë kriminale që merrej me trafikun e lëndëve narkotike. Operacioni i policisë është zhvilluar në Kallamata, ku ishte dhe baza e grupit, si dhe në disa qytetet të tjera.
Në pranga kanë përfunduar 29 persona, 27 grek dhe dy shqiptarë. Sipas hetimeve grupi nga shitja e drogës fitonte rreth 700 mijë euro në vit. Shqiptarët, identiteti i të cilëve nuk dihet, janë të moshës 31 dhe 49 vjeç. Hetimet kanë nisur në gusht të 2015 dhe grupi merrej me kultivimin e kanabisit dhe trafikimin e kësaj lënde narkotike./tvklan.al