Shkëndija humb sfidën me Gentin në Belgjikë
Shkëndija e Tetovës humbi çastet e fundit sfidën me Gentin në Belgjikë, në takimin e parë të play off-it të Europa Ligës. Skuadra shqiptare që merr pjesë në kampionatin maqedonas, u mund me rezultatin 2 – 1.
Shkëndija shënoi e para me Besart Ibraimin në minutat e para të lojës. Lojtarët tetovarë patën raste të tjera shënimi, por pak para pushimit mes dy pjesëve vendasit barazuan.
Shkëndija, edhe pse rrezikoi portën kundërshtare vazhdimisht, nuk arriti të shënonte. Në çastet e fundit lojtarët e Gentit realizuan golin e fitores.
Pavarësisht disfatës, Shkëndija ka ende shpresa për takimin e kthimit që do të luhet javën e ardhshme në Shkup.
Tv Klan