Shkodër, arrestohet piktori falsifikator – (28 Prill 2001)
Lajme Arkiva – TV Klan 2001
Drejtoria e policisë në Shkodër njofton se shtetasi Alfred Aliaj, 26 vjeç është arrestuar në flagrancë, pasi në lokalin e tij ku ushtronte profesionin e piktorit, iu gjetën e iu bllokuan në cilësinë e provës materiale 26 vula të institucioneve të ndryshme shtetërore, si dhe të konsullatës italiane. 34 modele vulash të institucioneve dhe shteteve të ndryshme, si dhe dokumente të bardha dhe të plotësuara, si diploma të shkollave të larta, dëftesa pjekurie, libreza pune, pasaporta, patenta leje qarkullimi vendi e ndërkombëtare. Ky aksion është kryer në bashkëpunim me zyrën rajonale të luftës kundër krimit të këtij qyteti./tvklan.al