Shkodër, studentët dhurojnë gjak – (8 Prill 1999)
Arkiva Lajme – Tv Klan 1999
Sot në Shkodër student dhe pedagogë të Universitetit “Luigj Gurakuqi”, në shenjë solidariteti të dhunës dhe represionit serb mbi shqiptarët kanë kryer aktin simbolik të dhurimit të gjakut. Kanë qenë dhjetra student që sëbashku me petagogët e tyre në qendrën e dhurimit të gjakut kanë kryer gjestin fisnik dhe human.
Ky akt është ndërmarrë në kuadër të fushatës së shpallur nga Kryqi i Kuq shqiptar dhe dega e tij në këtë qytet. Gjaku u dhurua nga të rinjtë e këtij universiteti dhe njerëzit e stafit pedagogjik të tij do të përdoret kryesisht për të sëmurët e ardhur nga Kosova.
Shumë prej studentëve pas aktit të dhurimit u shprehën se ky solidaritet buron jo vetëm nga ndjenja humane e tyre por më së shumti nga forca e ndjenjës kombëtare e cila në këto ditë të vështira për kombin është shfaqur fuqishëm dhe triumfuese./tvklan.al
Gazetare – Mirela Milori