Shkulen pllakat e shatërvanit tek Piramida – (9 Shtator 2000)
Lajme Arkiva – TV Klan 2000
Është vuajtur tre muaj për të gjetur çelësin që hiqte ujin e këtij shatërvani, por më kot. Nëse dy të rinjve nuk do t’ju kishte rënë diçka me vlerë në këtë shatërvan edhe sot ky do të ruante ujin e ndotur dhe papastërtitë e tij. Boshatisja e tij ndodhi para dy ditësh duke vënë në punë punonjëset e ndërmarrjes së gjelbërimit.
Në këtë shatërvan, që mban “Këmbanën e Paqes” nuk ishte vënë dorë prej gjashtë muajsh, pasi ky shatërvan kishte kaluar nën administrimin e një privati. Janë shkulur pothuajse gjysma e pllakave dhe janë hedhur në shatërvan. Përgjegjësja e ndërmarrjes së gjelbërimit tregon.
“Ishin dy djem që e boshatisën këtë shatërvan, se u kishte rënë diçka me vlerë dhe mirë e bënë që e boshatisën, se njeri tjetër nuk kujtohet. Pllakat janë hequr nga njerëzit që rrinë këtu”.
Punonjëset e ndërmarrjes së gjelbërimit vetëm sa mund ta pastrojnë këtë shatërvan, ndërsa për rivendosjen e pllakave dhe vënien në punë nuk dihet se kush do t’i dalë zot./tvklan.al
Gazetare – Holta Zhiti