Shoferi humb kontrollin e makinës, plagosen 4 persona
Një aksident ka ndodhur mesditën e sotme në aksin rrugor Rrëshen – Thirrë, në vendin e quajtur Thirrë.
Mjeti tip Volkswagen me targa AA 421 OU ka humbur kontrollin duke u përplasur me parmakët anësorë të rrugës.
Për pasojë kanë mbetur të dëmtuar drejtuesi i mjetit B.M. 46 – vjeç si dhe 3 pasagjerët në mjet F.M. 55 – vjeç, B.M. 22 – vjeç, R.J. 17 – vjeçe, të gjithë banues në Kukës.
Të plagosurit ndodhen në Spitalin Rajonal Kukës nën kujdesin e mjekëve.
Grupi hetimor ndodhet në vendngjarje e po punon për zbardhjen e plotë të shkaqeve të aksidentit./tvklan.al