Shoqata e grave biznesmene – (29 Shtator 1999)
Arkiva Lajme – Tv Klan 1999
Të bëjmë biznes së bashku. Ky ka qenë qëllimi i takimit të organizuar nga shoqata e grave profesioniste dhe biznesmene së bashku me kolegë nga Italia sot në hotel Tirana International. Takimi ka mbledhur së bashku mjaft gra biznesmene të cilat kanë diskutuar rreth rrugëve të bashkëpunimit, krijimin e hapësirave të nevojshme për ushtrimin e aktiviteteve të ndryshme, sigurimin e ndihmës dhe trajnimit në menaxhim dhe marketing etj.
Gratë biznesmene kanë theksuar rolin e tyre në shoqërinë shqiptare dhe se ato mund të zënë një vend më të respektueshëm në komunitet. Ky takim kishte për qëllim edhe të simuloj inisiativën e atyre grave që i futen për herë të parë biznesit, si nga ana financiare por edhe me konsulencë ligjore dhe informacione të nevojshme nga burime të tjera.
Në takim është theksuar edhe nevoja e shkëmbimit të përvojës me homologët e huaj si një mundësi më tepër për zhvillimin e biznesit. Pas diskutimeve është vazhduar me kontakte bilaterale mes grave biznesmene e shqiptare dhe kolegëve Italian./tvklan.al