Shpërndanin drogë, kapen 2 persona
Policia e Korçës ka arrestuar dy persona, pasi akuzohen për shpërndarje të drogërave të forta.
Në pranga kanë rënë M. Xh, 34 vjeç (i dënuar më parë për “vjedhje”) dhe L.M, 36 vjeç,(i dënuar më parë për “vjedhje me dhunë”), të dy banues në Korçë.
Gjatë kontrollit trupor që policia ka ushtruar ndaj shtetasit L.M, në lagjen nr 6, (në hyrje të banesës së shtetasit M.Xh) iu gjetën disa doza me lëndë të dyshuar narkotike heroinë.
Gjithashtu në banesën e 34-vjeçarit, u gjetën dhe sekuestruan me cilësinë e provës materiale 423.8 gramë lëndë e dyshuar si narkotike e llojit Heroinë (nga e cila 109 copë e ndarë në doza), 19 tableta metadoni, një sasi kanabis,45 copë fishekë me mbishkrim E si dhe një 1 peshore elektronike.
Veprimet procedurale të rastit u kryhen nga specialistët e Seksionit për Narkotikët, të cilët referuan materialet në Prokurorinë e Rrethit Gjyqësor Korçë.
/tvklan.al