Shpërthim i fuqishëm gazi në Shangai
Vriten 19 persona e plagosen 189 të tjerë në një zonë industriale
Shpërthimi i një autoboti me gaz të lëngshëm i ka marrë jetën 19 personave dhe ka plagosur 189 të tjerë në Kinë.
Ngjarja ndodhi në një autostradë pranë Shangait, në një zonë industriale.
Shpërthimi ishte aq i fuqishëm sa gazi i lëngshëm u përhap në një vatër të madhe, duke shkatërruar dhjetëra ndërtesa që ndodheshin aty pranë.
Dëme pati edhe në banesa që ndodhen në një distancë jo edhe aq të afërt.
Shkaqet e shpërthimit janë ende të paqarta.
Tv Klan