Shpërthim në një lokal në Francë, 13 të rinj humbin jetën
Të paktën 13 persona kanë humbur jetën dhe 6 të tjerë kanë mbetur të plagosur, si pasojë e një shpërthimi të ndodhur në Francë.
Ngjarja ka ndodhur mëngjesin e të shtunës, në një lokal në Rouen, në veri të Francës.
Mediat e huaja raportojnë se viktimat i përkasin moshës 18-25 vjeç. Ata ishin mbledhur për të festuar ditëlindjen e njërit prej shokëve të tyre.
Policia ka rrethuar zonën si dhe ka vendosur perimetrin e sigurisë, ndërsa po heton për shkaqet e këtij incidenti, të cilat ende nuk bëhen të ditura.
Franca ka qenë në gatishmëri të lartë pas një serie sulmesh të ndodhura. Rreth dy javë më parë dy xhihadistë vranë një prift në Rouen./tvklan.al