Shpërthim në një treg në Filipine, 10 të vdekur dhe 60 të plagosur
Të paktën 10 persona kanë mbetur të vrarë dhe mbi 60 të tjerë të plagosur, pas një shpërthimi të fuqishën në një treg në Filipine.
Ngjarja ndodhi në qytetin Davao, në ishullin jugor të Mindanao, në një kohë kur tregu ishte i tejmbushur me njerëz.
Deri më tani mbetet e paqartë se çfarë mund ta ketë shkaktuar këtë shpërthim apo se kush mund të fshihet pas tij.
Dëshmitarë thanë se kishin dëgjuar një zhurmë të fortë përpara se të shihnin tym në ajër.
Autoritetet në vend deklaruan se duke qenë se askush nuk ka marrë përsipër përgjegjësinë për këtë sulm, më e mira është që të mos spekulohet ndërsa i bënë thirrje njerëzve që të evitojnë vendet e populluara, për arsye sigurie./tvklan.al