Shpërthim në Tel Aviv
Një shpërthim i fuqishëm tronditi Tel Avivin gjatë ditës së sotme, por pa shkaktuar viktima. Shpërthimi ndodhi në një autobus, me të cilin po udhëtonin 12 pasagjerë. Autoritetet izraelite flasin për një sulm terrorist, përgjegjës për të cilin janë militantët palestinezë. Mediat izraelite bëjnë me dije se shoferi i autobusit kishte konstatuar një çantë në sediljet e pasme të autobusit. Ai i kishte urdhëruar pasagjerët të dilnin menjëherë nga autobusi, përpara se ai të shpërthente. Sasia e eksplozivit ishte e vogël dhe pati vetëm thyerje të xhamave të autobusit. Ky është sulmi i parë pas më shumë se një viti, kur një sasi eksplozivi shpërtheu në një autobus në Tel Aviv. 15 persona mbetën të plagosur.