Shpërthim pranë lokalit të ish-futbollistit
As këtë të martë qyteti i Elbasanit nuk ka gjetur qetësi. Burime nga policia bëjnë me dije se në orët e para të mëngjesit, një sasi e vogël lënde plasëse ka shpërthyer në ambientet e jashtë të një lokali në lagjen “Luigj Gurakuqi”.
Sipas informacioneve paraprake, mësohet se ky lokal është në administrimin e Mateo Toçit, ish-futbollist i Elbasanit.
Ky shpërthim ka shkaktuar vetëm disa dëme të lehta materiale.
Ndërkohë, grupi hetimor po punon për zbardhjen dhe sqarimin e rrethanave të ngjarjes, si dhe identifikimin dhe kapjen e autorit apo autorëve. /tvklan.al