Shpërthimi në Moskë (13 Shtator 1999)
Sot rreth orës 5 të mëngjesit një shpërthim i ngjashëm me atë të së enjtes së shkuar ka zgjuar frikshëm Moskën. Ka qënë një pallat banimi 8 katësh në periferi të Moskës shenjestra e sulmit. Deri tani janë nxjerrë nga gërmadhat trupat e 45 vetëve, mes të cilëve dhe 4 foshnja. Komandanti i guerrilasve cecene në Dagestan ka mohuar implikimin e njerëzve të tij në këtë atentat.
Ai ka deklaruar se shpërthimet e fundit janë një larje hesapesh për luftë politike. Presidenti Rus Jelçin ka zhvilluar një takim me drejtues të lartë të Qeverisë dhe Kryetarin e Bashkisë së Moskës. Janë marrë masa të larta sigurie për disa objekte të rëndësisë së veçantë. Është rritur dhe shkalla e gadishmërisë së policisë në shumë qytete të vendit./tvklan.al