Shqiptari nga burgu drejtonte rrjetin e prostitutave minorene
Besnik Metushi, një 28-vjeçar shqiptar është përgjegjës për një rrjet prostitucioni në Torino.
Edhe pse në burg, pasi është dënuar për vrasjen e një ish-polici në 15 Janar të vitit 2013, gjatë një tentative grabitje, shqiptari e drejtonte në mënyrë perfekte këtë “biznes”. Ai ndihmohej nga një 35-vjeçare me origjinë rumune, Corina Elena Vasilas. Puna e saj ishte "importimi" i vajzave të reja nga Evropa Lindore me premtimin e një pune dhe pastaj t'i detyronte të prostituonin.
Metushi kontrollonte gjithë veprimtarinë dhe shumicën e fitimeve e merrte për vete. Në mesin e viktimave ishin edhe disa vajza të vogla, minorene nga Bullgaria, Rumania dhe Shqipëria.
Pjesë e këtij grupi kriminal ishin dhe vëllezërit e tjerë Metushi.
Nga çdo vajzë fitimi ishte 400 euro në ditë, ndërsa muaji shkonte sipas policisë italiane 8-10 mijë euro.
Gjithashtu është dokumentuar që një pjesë të fitimeve Metushi i ka transferuar në Shqipëri./tvklan.al