Shuhet “Nderi i Kombit” Amik Kasoruho
Është shuar sot, në moshën 82 – vjeçare shkrimtari dhe përkthyesi i njohur, Amik Kasoruho si pasojë e një sëmundjeje në mushkëri.I dekoruar nga Presidenti i Republikës me urdhërin “Nderi i Kombit”, shkrimtari Amik Kasoruho është autor i disa librave, si: “Çmimi i një ëndrrre”, “Një ankth gjysmëshekullor”, “Midis qiellit dhe burgut”, “Ikje nga trilli i perëndive”, si dhe përkthyes i shumë autorëve të njohur të letërsisë botërore, si Pirandello, Isabel Allende, Harold Robbins, Patrick O’Brian, John Selby etj.Amik Kasoruho fitoi në vitin 1999 çmimin special të jurisë në konkursin “Eks & Tra” për shkrimtarët emigrantë, ndërsa morri në vitin 2000 çmimin “Civitas – Arbëria 2000 Calabria” për mirëmbajtjen e revistës italo-shqiptare të arbëreshëve “Katundi ynë”.tvklan.al/m.s