Shuhet një tjetër zë i magjishëm i muzikës
Muzika botërore humbet një tjetër zë të magjishëm. Këngëtari kanadez Leonard Cohen është shuar në moshën 82 – vjeçare. Lajmi u bë i ditur përmes një njoftimi në faqen e tij zyrtare të Facebook.
“Me hidhërim të madh ju njoftojmë se poeti legjendar, tekstshkruesi dhe artisti Leonard Cohen ka ndërruar jetë”,
shkruhej në njoftim.
Nuk ka të dhëna për shkakun e vdekjes së Cohen, ndërsa pritet që në Los Angeles të mbahet një ceremoni përkujtimore.
Këngëtari i lindur në Montreal qëndron pas disa hiteve botërore, përfshirë Suzanne dhe I’m Your Man. Ai e publikoi albumin e tij të 14 –të muajin e shkuar./tvklan.al