Si të bëheni lider, mbahet konferenca e parë për të rinjtë
Për herë të parë në Shqipëri do të mbahet një konferencë për të rinjtë e moshave nga 18 në 30 vjeç, nën drejtimin e “AIESEC Albania”, organizatë jofitimprurëse e grupit “AIESEC International”.
Në këtë seminar do të marrin pjesë 150 delegatë nga të gjitha vendet e botës dhe do të mbahet në datat 18-20 Janar 2019 në qytetin e Durrësit. Ky seminar synon të nxjerrë në pah aftësitë menaxheriale dhe drejtuese të të rinjve. Për të stimuluar aftësitë e tyre, do të organizohen praktika të llojeve të ndryshme në mënyrë që të rinjtë të njohin akoma më mirë talentin që ata kanë. Në këtë seminar do të jenë të pranishëm studentë të huaj që janë pjesë e kësaj organizate në vende të ndryshme të Europës.
Në fokus të kësaj konference është ndërthurrja e kulturave të ndryshme për të evidentuar dhe stimuluar të rinjtë në talentet që kanë dhe të përshtaten më së miri në botën e punës. Pjesëmarrja edhe e studentëve të huaj do të jetë një mundësi e mirë për intershipe në vende të tjera të botës.