Skafet me klandestinë – (15 Shtator 1999)
Arkiva Lajme – Tv Klan 1999
Shqiptar dhe Kurd kapen në mes të detit nga Guardia di Finanza dhe Policia Kufitare. Dita e djeshme ka qenë nga më të ngarkuarat për rojet detare. Deti i qetë dhe pa dallgë ka nxitur skafistët të nxjerrin në det skafistët e tyre të mbushur me klandestinë. Nga Kavaja dhe Vlora, shqiptarë dhe kurdë, romë e kosovarë kanë vazhduar serialin e largimeve me skaf, por nuk kanë patur fat pasi janë diktuar nga patrullat e policisë tonë kufitare dhe Guardia Italiane.
Pasi janë kapur nga rojet detare 6 klandestinët që ndidheshin në gomonen e nisur nga Kavaja janë zbarkuar sot në plazhin e Spillesë dhe më pas janë shoqëruar për në komisariat.
Ndërsa policia vlonjate ka kapur 31 kurd që u përcollën për në Pogradec nga ku më pas do të kalojnë kufirin me Maqedoninë. Po në Vlorë me një target janë kthyer nga Italia 28 klandestinë shqiptarë të cilët janë kapur nga policia italiane pa dokumenta./tvklan.al
Gazetar – Eduart Frangaj