Skandali në Gramsh, Ministrja falenderon STOP
Furtunë në Zyrën Arsimore (ZA) të Gramshit, pas transmetimit në emisionin “STOP” të skandalit korruptiv, të denoncuar nga mësuesja Alma Jonuzi.
Ministrja e Arsimit, Lindita Nikolla tha se ka nisur procedimi disiplinor ndaj kreut të ZA-së, Xhavit Dyrmishit dhe financieres Flutura Sinani. Ajo bëri thirrje që Zyrat Arsimore të qëndrojnë larg kryetarëve të bashkive e kryetarëve të partive."Kam mbaruar shkollën e lartë, dega Matematikë - Fizikë dhe aktualisht jam në vitin e fundit të masterit profesional, profili matematikë. Kam 15 vjet që punoj si mësuese matematike dhe aktualisht jam e papunë. Në vendin tim është emëruar një mësues, me të mesme pedagogjike. Një mësuese në fshatin Oltas nuk e ka marrë provimin e shtetit për të dytën herë dhe ka dy vjet në punë. Ka qenë zëvendësuese në shkollën "Bersnik" dhe sivjet ajo është thirrur para meje dhe e kanë emëruar në fshatin Oltas mësuese matematike."
Alma Jonuzi u telefonua nga një punonjës i Zyrës Arsimore të Gramshit, Ramazan Llaha, i cili i premtoi se nëse do të tërhiqte denoncimin do të rikthehej në punë.
Ramazan Llaha, ZA-
Flutura më mori në telefon sepse ka ardhur Stop-i. I ka sjellë Alma Jonuzi tha.
Alma Jonuzi – Ehë... Ramazan Llaha, ZA -Trashë, unë s’di gjë, unë ashtu thashë. Të tërheqë denoncimin se do ta rregullojë Xheviti.
Alma Jonuzi – Po mirë atëherë ...
Ramazan Llaha, ZA - Çfarë t’i them unë?
Alma Jonuzi – Po mirë, thoji, ok! E tërheq unë denoncimin. Ama, të premten unë dua emërimin për në punë. Ramazan Llaha, ZA -Ashtu t’i them?
Alma Jonuzi – Po! Kështu thoji dhe më kthe mua përgjigje prapë. Ramazan Llaha, ZA -E mirë, ja t’i them unë tani.
Denoncuesja takon financieren e ZA Gramsh, Flutura Sinanin në një lokal.
Financierja Flutura Sinani – Xheviti ka thënë ...
Mësuesja Alma Jonuzi – Po kur, pra? Financierja Flutura Sinani -Do i qëndroj fjalës që i kam thënë asaj femre ... sepse Xheviti e ka lakun në fyt.
Ti nuk e di se çfarë po heq ky burrë ... unë dhe Xheviti ...
Mësuesja Alma Jonuzi – Unë jo pa qëllim erdha në këtë kafe.
Financierja Flutura Sinani – Shiko Fluturën, sepse më është vënë mua, këtij burrit dhe Xhevitit për të na hequr dhe ne e kemi lakun në fyt.
Alma takohet sërish me financieren Sinani. Financierja Flutura Sinani –Nëqoftëse këtë e ke miqësisht, të vazhdosh ti me ata të japësh intervista, harroje se futesh më në punë, sa të jem unë gjallë.
Mësuesja Alma Jonuzi - Po qe se juve ju duket e drejtë kjo ... mua më duket e drejtë ta gjej të drejtën time diku tjetër. Në rregull.
Financierja Flutura Sinani – Shko tako titullarin e institucionit! Shko tako kryetaren e Bashkisë, shko tako kryetarin e partisë!
Mësuesja Alam Jonuzi – Po kam vajtur unë. Ke të drejtë, zgjidhje s’ka. Financierja Flutura Sinani –Shko takoji prapë!
Pas kësaj bisede, mësuesja takoi kryetaren e Bashkisë Gramsh, Luljeta Dollanin.
Kryetarja – Edhe i thashë: "Ti ke mundësi ta rregullosh, shiko rregulloje o burri i dheut, të do bukë, nuk po të do ndonjë gjë tjetër".
Nuk e dija që qenke edhe e divorcuar. E nuk e dija këtë gjë. Pastaj më tha këtë pjesën tjetër, edhe për këtë Stop-in.
Ata të Stop-it, ti e ke parasysh. Ai bëri atë që bëri me atë. Bëri gjithë ajo gurgule. T’i vejë edhe kjo tjetra edhe pastaj merr përmasa ... dhe realisht ai ka marrë përmasa të tjera edhe në linjën politike, se flasim bashkë edhe i lemë këtu. Edhe në linjën politike ai ka pësuar shkarje.
Kryetarja Dollani merr në telefon mësuese Almën pas dy ditësh.
Kryetarja Dollani – Ë ... mi goc?
Mësuesja Jonuzi – O zysha, se atje kishte zhurmë dhe nuk dëgjova unë, ma shpjego edhe një herë mua tani? Kryetarja Dollani –Po do terezitesh pra, çfarë të të shpjegoj më shumë se kaq! Do terezitesh ... rri rehat!
Rëndësi ka që do rregullohesh!
Por gjatë takimit me kryetaren e Bashkisë Gramsh, Alma i tregoi se i ka dhënë 150 mijë lekë të reja financieres dhe kreut të Za-së, Xhavit Dyrmishit për të mbajtur atë dhe të atin në punë.
Mësuesja Jonuzi – Vjet i kam dhënë kafe Fluturës. (500.000 lekë)
Kryetarja Dollani - Çfarë thu mi? Vërtet e ke ti?
I raftë pika!
Kjo, e para më rëndon shumë, nëqoftëse është po kështu siç thua ti. Nëqoftëse ka ndodhur kjo gjë, për mua është maskarallik.
Mësuesha Jonuzi – Edhe babi, kur u mbyll vendi i punës, që e kaloi mësues ndihmës, ka vajtur në zyrë e i ka dhënë 1 milionë. (Xhavitit) Kryetarja Dollani-
Çfarë thua?! M'u do më vijë shumë keq që mbas krahut tim mund të kenë bërë ndonjë pisllik tjetër. Po vetë, as e diskutoj fare e as e ve në dyshim që mund të ndodhte kjo gjë një ditë dhe unë nuk e di sesa i përfshirë është ai te kjo gjë. Te babi, është ai i përfshirë?
Mësuesja Jonuzi – Ai është drejtpërdrejt. Vajti babi, i vajti vetë në zyrë babi. Tha: "Urdhëro!".
Kryetarja Dollani - Nëqoftëse ai ka marrë këtë, ka bërë maskarallikun më të madh. Sepse unë kur kam diskutuar këtë, kam thënë: "Nëqoftëse ai është përlyer në këtë gjë, unë nuk e mbroj. Unë të mbroj në gjithë pjesën tjetër, ndërsa për këtë pjesë nuk të mbroj dot.
Pas transmetimit të skandalit, ministrja e Arsimit, Lindita Nikolla falenderoi emisionin "STOP" dhe tha se ka nisur procedimi disiplinor ndaj kreut të ZA-së, Xhavit Dyrmishit dhe financieres Flutura Sinani."Unë sot kam filluar procesin disiplinor ndaj dy përfaqësuesve, që më bënë të ndihem jo vetëm ligësht, jo vetëm kokëulur, por edhe një herë të drejtoj gishtin nga vetja për të zhvilluar përgjegjësi të reja, për t'i dhënë fund çdo Xhaviti e Fluture apo kujtdo tjetër që shfaqet në ekranet tona, duke abuzuar me detyrën, etikën, besimin që të gjithë ne iu kemi dhënë për të qenë aty garant të një procesi të meritës dhe transparencës dhe jo të kundërtën.
Do t'i shkoj deri në fund kësaj historie, por përfitoj që të përsëris edhe nga kjo studio dhe nga ky emision prestigjoz, edhe një herë atë që iu thash mësuesve të Gjirokastrës, "refuzoni kontaktet me kryetarë partish, deputetë, kryetar bashkie".
E rëndësishme është e vërteta, por sot e vërteta e ditës është dhimbja e madhe e syve dhe e zemrës, kur sheh të tilla pamje në televizor nga punonjës të shtetit."
Të shpresojmë që me reformën e re në arsim gjithçka të përmirësohet... /tvklan.al