Skënderbeu pret Tiranën për fitoren e radhës
Tek Skënderbeu janë të bindur se do të fitojnë sërish kampionatin, por më parë duhet të marrin 3 pikët e ndeshjes së radhës.
Orges Shehi garanton impenjim maksimal të skuadrës në takimin ndaj Tiranës.
“Pas ndeshjes me Partizanin kemi pasur objektiv t’i marrim ndeshjet një e nga një dhe të mundohemi t’i fitojmë të gjitha ndeshjet. Na takon të vazhdojmë me këtë ritëm për të arritur aty ku duhet, aty ku janë edhe objektivat e klubit.”
Takimi i së hënës është një provë që duhet kaluar me sukses.Tiranës i duhen pikë për qëndrimin në Superligë, i vënë në rrezik nga barazimi i Laçit me Partizanin. Kjo e bën më të rëndësishëm takimin.
“
Luajmë përballë një kundërshtari që ka një fanellë shumë të rëndë dhe ka histori në futbollin shqiptar”
, tha Shehi, duke shtuar se Tirana gjithmonë ka zhvilluar ndeshje shumë të mira më ta.
Skënderbeu do të jetë përballë Tiranës edhe në finalen e Kupës. /Tv Klan