Skënderbeu rikthehet te fitorja
Goli i Nazmi Gripshit vendosi fitoren e Skënderbeut në kryesfidën e javës së shtatë me Kukësin e luajtur të enjten në Korçë.
Skuadra e Orges Shehit ia doli të mundë një rival të fortë me rezultatin 1–0 përpara tifozëve që riktheheshin në stadium pas dënimit të komisionit të disiplinës pas trazirave në ndeshjen me Partizanin. Gripshi realizoi në minutën e 16’.
Ky është goli i parë për 21-vjeçarin në këtë kampionat. Korçarët që u shfaqën më kërkues në këtë takim patën edhe mundësi shënimi, por rezultati nuk u thellua më shumë. Reginaldo nuk arriti të përsëriste paraqitjet e ndeshjeve të kaluara, duke mos realizuar për kuksianët. Me këtë fitore Skënderbeu kalon në renditje Kukësin, duke u ngjitur në vendin e dytë në kuotën e 14 pikë, 2 më pak se Partizani.
Tv Klan