Skënderbeu – Tirana, kryendeshja e javës
Skënderbeu – Tirana është përballja kryesore e javës së 16 të Superligës. Në fazën e parë bardheblutë triumfuan në “Selman Stërmasi” kur në stol ishte Ilir Daja. Tirana tani drejtohet nga Mirel Josa, trajneri i cili e shpalli Skënderbeun disa herë kampion të Shqipërisë.
Mirel Josa, trajner i Tiranës:
Është kënaqësi që kthehem si trajner i Tiranës. Në ndeshjet e kaluara ka patur spektakël dhe tifozeritë kanë mbështetur ekipet e tyre.
Për Mirel Josën do të jetë një ndeshje e luftuar, pasi të dy ekipet kanë nevojë për pikë.
Mirel Josa, trajner i Tiranës:
Është një ekip që ka bërë mirë në kampionat, nuk po flas për të kaluarën. Të dy ekipet kanë nevojë për pikë dhe do të jetë një ndeshje e hapur.
Java e 16 e Superligës do të luhet e gjitha të mërkurën ku një tjetër ndeshje që veçohet është Flamurtari – Partizani. Kukësi kryesues do të luajë me vendin e fundit në renditje Korabin./ TV KLAN