Sokol Cikalleshi shkon tek Akhisari
Sokol Cikalleshi do të luajë për Akhisarin, në pjesën e mbetur të sezonit. Sulmuesi i Kombëtares është aktivizuar pak te Bashakshehiri kohët e fundit dhe duket se skuadra tjetër e Superligës së Turqisë është një zgjidhje për të.
Lajmi bëhet i ditur nga mediat turke. Afrimi i Emanuel Adebajor është një tjetër shkak që 26-vjeçari të largohet nga skuadra që kryeson kampionatin turk.
Cikalleshi është nën kontratë me Bashakshehirin deri në qershor të 2019. Mungesa e minutave bëri që Sokol Cikalleshi të mos grumbullohej me Kombëtaren për sfidën e nëntorit me Izarelin./ TV KLAN