Sot luhet derbi i Milanos
Derbi i Milanos do të luhet në një atmosferë ndryshe. Inter dhe Milan nuk ndodhen në pozicionet ku kishin parashikuar në fillim të sezonit. Rëndësi në takimin e sotëm kanë pikët, por edhe kënaqësia që të mundësh rivalin e përhershëm. Milan është në një situatë më të vështirë pasi ndodhet në mesin e tabelës së klasifikimit me 9 pikë më pak se Inter.
Walter Mazzarri (Trajner i Inter)
Nëse do të triumfonim, do të motivonte ekipin për të vijuar pjesën tjetër të sezonit. Po të shkonte keq? Duhet të përpiqem t’i jap zemër lojtarëve.
Massimiliano Allegri (Trajner i Milan)
Do të jetë një ndeshje e vështirë, pasi do të përballemi me një ekip që është një gjendje të zhvillojë një lojë të përkryer teknike dhe taktike.
Një mungesë e madhe në këtë derbi do të jenë koreografitë në fillim të takimit që krijojnë një panoramë të jashtëzakonshme. Dje të rinjtë e Inter kanë mundur me rezultatin 3 – 1 të rinjtë e Milan që drejtohen nga Pippo Inzaghi. Ky ishte derbi i parë i Erick Thohir, ndërsa përballja e skudrave të para do të nisë sot në ora 20:45.