Sot shpallet kampioni i Superligës
Java e fundit e Superligës do të vendosë sot edhe ekipin kampion për sezonin 2015 – 2016. Skënderbeu dhe Partizanit janë në garë për këtë trofe edhe atmosfera është ndezur. Pas ndeshjes direkte të fituar nga të kuqtë diferenca është 2 pikë me korçarët në krye. Skënderbeu do të luajë me Flamurtarin në Vlorë, ku pak orë para takimit është ndryshuar gjyqtari pas kundërshtimeve të klubit korçar duke caktuar Enea Jorgjin.
Kjo ndeshje është shoqëruar me akuza për një tolerim të skuadrës vlonjate, por drejtuesit e të dy ekipeve e kundërshtojnë këtë mundësi. Mirel Josa nuk ka në dispozicion Hamdi Salihin, shënuesin më të mirë të kampionatit.
Partizani do të presë Teutën që pretendon ende për vendin e tretë. Presidenti i durrsakëve deklaroi për gazetat sportive se titullin e meriton Partizani megjithëse tha se do kërkohet fitorja. Andrea Agostinelli nuk do të rrezikojë me Filipe Gomes që do ta pritet nga stoli.
Skënderbeu shpallet kampion për herë të gjashtë nëse Partizani humbet ose barazon, ndërsa do t’i duhet fitorja detyrimisht nëse të kuqtë dalin me 3 pikë në “Qemal Stafa”.
Sot do të vendoset edhe për ekipin që do të ndjekë Tërbunin në Kategorinë e Parë dhe vendin e tretë në klasifikim, pozicion që të kualifikon në Europa League. Të gjitha ndeshjet do të nisin në orën 17:00.
Tv Klan