Spektakli i ri në TV Klan “Mbretëresha e Detit” – (26 Gusht 2000)
Lajme Arkiva – TV Klan 2000
Drejtpërsëdrejti nga pista Iliria e qytetit të Durrësit starton sonte në mbrëmje spektakli “Mbretëresha e Detit”, konkurs bukurie ky, ku marrin pjesë 17 vajza nga i gjithë vendi. Pas përzgjedhjes së gjatë dhe seleksionimit, që është bërë kohë më parë, sot do të zgjidhet edhe vajza që do të mbajë kurorën. Kjo kurorë do të pasohet në vitet që vijnë me këtë emër.
Jo pa qëllim është quajtur “Mbretëresha e Detit”, duke bërë krahasimin me nimfat e lashtësisë. Spektakli do të drejtohet nga Reiz Çiço nën drejtimin regjizorial të Petri Bozos. Në këtë spektakël do të ketë mjaft imazhe filmike si edhe disa videoklipe të reja këngësh.
Nëpërmjet TV Klan dhe Vizion TV, ky spektakël do të transmetohet direkt për teleshikuesit, ku një juri e zgjedhur do të vendosë kush do të jetë bukuroshja e Verës 2000./tvklan.al