Spektakli për Kosovën – (25 Prill 1999)
Arkiva Lajme – Tv Klan 1999
“Për një të ardhme paqësore”, kjo është motoja që ndërrmarrin disa artistë shqiptar në këto kohë të vështirë dhimbjesh. Një koncert me praninë e këngëtarëve, trupës së baletit të fëmijëve Spektër, humor. Të pranishëm gjithashtu edhe këngëtar italianë.
Salla e Estradës së Tiranës në pushim prej disa kohësh hap dyert për një koncert të tillë që të ardhurat e tij do të shkojnë në ndihmë të kosovarëve. Ky concert shëron shpirtrat e vrarë.
Hysni Zela:- “Më thanë që është një concert për paqen. Ky është një mesazh i madh të japësh një koncert. Ne kemi dhënë shumë koncerte, të gjitha koncertet tona për paqen flasin. Po ky i sotmi ka më tepër rëndësi për arsye se flet për vëllezërit tanë kosovarë, për tja bërë dhimbjen sa më të lehtë”.
Ky spektakël vlen vetëm për 100 shikues që janë në sallë por më e mira do të ishte të shihet nga mijra e mijra të tjerë që ndodhen në çadra./tvklan.al
Gazetare – Holta Zhiti