Sport, Bledar Kola lë Panathinaikos dhe kalon tek AEK – (20 Janar 2001)
Lajme Arkiva – TV Klan 2001
Nga uniforma e gjelbër e Panathinaikos, të cilën e mbajti për 5 sezone rresht, në atë verdh e zi të AEK-ut, të cilën sipas kontratës të firmosur vetëm dje në Athinë, Bledar Kola do ta mbajë të veshur deri në vitin 2003. Kështu asi ynë i përfaqësueses i ka thënë lamtumirë Panathinaikos, me të cilin u bashkëngjit më 1996, për 80 milion dhrahmi, kur braktisi Apollon e Athinës.
Sipas kontratës së re të firmosur në zyrat e AEK-ut midis mesfushorit tonë dhe drejtorit të përgjithshëm të AEK-ut, Kola do të luajë me AEK për tre sezone, duke përfituar shumën e 250 milion dhrahmive. Duhet theksuar fakti që Kola që nga koha që ka shkuar në Greqi më 1991, ka ndërruar 4 skuadra dhe AEK për herë të parë në historinë e vetë ka blerë një futbollist shqiptar./tvklan.al
Gazetar – Kostandin Grillo