Sport, futbollistët më të mirë ’99-2000 – (30 Maj 2000)
Arkiva Lajme – Tv Klan 2000
Këta janë 11 futbollistët më të mirë të sezonit ’99-2000. Anketa e përvitshme e gazetës më të madhe sportive “Sport Ekspres”, ka anketuar trajnerët e kategorisë së parë dhe specialist të futbollit për të evidentuar më të mirët e sezonit. Teuta dhe Tirana janë skuadrat që kanë nga tre futbollistë, pasi janë këto skuadra që kanë marrë trofetë dhe kupën.
Nga bardh e blutë janë mbrojtësit Nevil Dede dhe Rezart Dabulla dhe mesfushori Ardian Mema. Ndërsa për durrsakët, portieri Orges Shehi dhe mesfushori Sokol Prenga dhe Suat Lici. Më pas janë renditur Redi Jupi i Dinamos, mbrojtësi i Lushnjes Saimir Malko dhe golashënuesi më i mirë i kampionatit Florian Arbri, që u shpall edhe futbollisti më i mirë i sezonit.
Trajneri që ishte më i suksesshëm i këtij sezoni sipas anketës është shpallur Hasan Lika, që në krye të Teutës arriti të fitoj kupën e republikës dhe të renditet në vendin e tretë në kampionat. Të gjithë fituesit e kësaj ankete veç statujave kanë marrë edhe nga një orë Tisott./tvklan.al
Gazetar – Dritan Shakohoxha