Sport, Kampionati Kombëtar i Basketbollit – (1 Dhjetor 1999)
Arkiva Lajme – Tv Klan 1999
Sot janë zhvilluar takimet e javës së 9-të të kampionatit kombëtar të basketbollit për meshkuj, ku janë vënë përballë njëra-tjetrës Vllaznia-Tirana, Studenti-Dinamo dhe Elbasani-Partizani. Në Shkodër Vllaznia ka fituar ndaj kampionëve të Tiranës. Dinamo shënon fitoren e dytë ndaj Studentit.
Dinamo në këtë takim luajti më mirë në të gjitha drejtimet duke krijuar avantazhin që në pjesën e parë. Rushaj, Çalçani, Mema, Muça në ditë të mirë është e vështirë për ti mposhtur. Dinamo e ka fituar krejt takimin 89-74.
Elbasani në takim me Partizanin ka marrë revanshin e humbjes në Tiranë, madje me një diferencë të madhe pikësh, duke treguar epërsinë e tij në këtë takim. Elbasani barazohet me pikë me Partizanin, duke ndare vendet 5, 6 ne renditje./tvklan.al