Sport, Kampionatit Kombëtar i Futbollit – (28 Tetor 1999)
Arkiva Lajme – Tv Klan 1999
Me takimin Tirana-Tomorri që do të luhet nesër në stadiumin “Selman Stermasi” në Tiranë do të nisin takimet e vlefshme për javën e 6 të Kampionatit Kombëtar të Futbollit për kategorinë e parë. Takimet e tjera do të luhen të shtunën sipas këtij kalendari:
Apolonia-Bylis gjyqtar Lulzim Guzi, Dinamo-Partizani gjyqtar Sokol Jareci, Flamurtari-Teuta gjyqtar Prek Pjetrushi, Elbasani-Lushnja gjyqtar Ylvi Kollari, Shqiponja-Shkumbini gjyqtar Myrteza Allkja dhe Vllaznia-Skënderbeu gjyqtar Sazan Velçani. Pas javës së 5 udhëheq Teuta me 12 pikë, e ndjekur nga Tomorri me 11, Tirana 10, Bylis 9.
Janë luajtur dhe takimet e vlefshme për javën e 3 të Kampionatit Kombëtar të kategorisë së dytë në grupet A1 dhe A2. Në këtë grup kryesojnë Burreli, Ilir Viking dhe Kastrioti me nga 6 pikë./tvklan.al